channamasala

0 comments

Masala Dose - ಮಸಾಲೆದೋಸೆ;

0 comments

ಮಸಾಲೆದೋಸೆ:

ಸಾಮಗ್ರಿಗಳು:

ಅಕ್ಕಿ - ಮೂರು ಕಪ್
ಕುಸುಬಲಕ್ಕಿ - ಒಂದು ಕಪ್
ಉದ್ದಿನಬೇಳೆ -ಒಂದು ಕಪ್
ಮೆಂತ್ಯದ ಕಾಳು - ಒಂದು ದೊಡ್ಡ ಚಮಚ
ತೊಗರಿಬೇಳೆ - ಎರಡು ಚಮಚ
ಕಡ್ಲೆಬೇಳೆ -ಎರಡು ಚಮಚ

ವಿಧಾನ;

ದೋಸೆಗೆ ತಿಳಿಸಿರುವ ಎಲ್ಲಾ ಸಾಮಗ್ರಿಗಳನ್ನು ನಾಲ್ಕು ಅಥವ ಐದು ಗಂಟೆಗಳ ಕಾಲ ನೆನೆಸಿ,ಅದನ್ನು ನುಣ್ಣಗೆ ರುಬ್ಬಿಕೊಳ್ಳಿ. ಅದನ್ನು ಏಳೆಂಟು ಗಂಟೆ ಅಥವಾ ರಾತ್ರಿ ಆಗೇಯೇ ಬಿಡಿ. ಅದು ಮಾರನೆದಿನ ಬೆಳಗ್ಗೆ ಹೊತ್ತಿಗೆ ಹುಳಿ/ಹುಬ್ಬಿ ಬಂದಿರುತ್ತದೆ. ಹೀಗೆ ಹುಳಿ/ಹುದುಗು ಬಂದರೆ ದೋಸೆ ಚೆನ್ನಾಗಿರುತ್ತದೆ. ಬೆಳಗ್ಗೆ ಉಪ್ಪು ಮತ್ತು ಸೋಡ ಸೇರಿಸಿ, ಚೆನ್ನಾಗಿ ಬೆರೆಸಿ ಅರ್ಧ ಗಂಟೆ ಬಿಟ್ಟು ತವಾ ಒಲೆಯ ಮೇಲಿಟ್ಟು,ಕಾಯಿಸಿ,ತುಪ್ಪ / ಎಣ್ಣೆ ಹಾಕಿ ಸವರಿ, ಅದರ ಮೇಲೆ ಒಂದು ಸೌಟು ರುಬ್ಬಿದ ಮಿಶ್ರಣವನ್ನು ಹಾಕಿ ದೋಸೆಯಂತೆ ಮಾಡಿ, ಬೇಯಿಸಿ ತೆಗೆಯಿರಿ.
ತವಾ ಮೇಲೆ ದೋಸೆಯನ್ನು ಮಾಡಿ,ಸ್ವಲ್ಪ ತುಪ್ಪ ಹಾಕಿ ಬೇಯಿಸಿ.ಅದರ ಮಧ್ಯ ಭಾಗದಲ್ಲಿ ಆಲೂಗೆಡ್ಡೆ ಪಲ್ಯವನ್ನು ತುಂಬಿ,ಬೇಕಾದ ಆಕಾರಕ್ಕೆ ಮಡಿಸಿ, ಮೇಲೆ ಬೆಣ್ಣೆಯನ್ನು ಹಾಕಿ ಕೊಡಿ. ಜೊತೆಯಲ್ಲಿ ಸಾಗು ಅಥವಾ ಚಟ್ನಿ ಮತ್ತು ಪಲ್ಯವನ್ನು ನೀಡಿ.
* ದೋಸೆಗೆ ಮೊದಲು ಚಟ್ನಿಯನ್ನು ಸವರಿ ನಂತರ ಪಲ್ಯವನ್ನು ತುಂಬಬಹುದು.
*ಖಾರಚಟ್ನಿ ತಯಾರಿಸಿ ಕೂಡ ಮೊದಲು ಅದನ್ನು ಹಚ್ಚಿ, ಪಲ್ಯವನ್ನು ತುಂಬಿ ಮಸಾಲೆ ದೋಸೆ ತಯಾರಿಸಿ.

Coriander leaves Chutney- ಕೊತ್ತುಂಬರಿಸೊಪ್ಪಿನ ಚಟ್ನಿ

0 comments

ಕೊತ್ತುಂಬರಿಸೊಪ್ಪಿನ ಚಟ್ನಿ:

ಸಾಮಗ್ರಿಗಳು:
ಕೊತ್ತುಂಬರಿಸೊಪ್ಪು
ಹಸಿಮೆಣಸಿನಕಾಯಿ
ಹುಣಸೇಹಣ್ಣು ಚೂರು
ಬೆಳ್ಳುಳ್ಳಿ - ನಾಲ್ಕು ಎಸಳು
ಉಪ್ಪು ರುಚಿಗೆ

ವಿಧಾನ:


ಹಸಿಮೆಣಸಿನಕಾಯಿ,ಕೊತ್ತುಂಬರಿಸೊಪ್ಪು,ಬೆಳ್ಳುಳ್ಳಿ,ಹುಣಸೇಹಣ್ಣು ಮತ್ತು ಉಪ್ಪು ಸೇರಿಸಿ,ರುಬ್ಬಿಕೊಳ್ಳಿ.
ಇದನ್ನು ಸಹ ಸಲಾಡ್ ಗಳಿಗೆ, ಸೌತೆಕಾಯಿ,ರಾಯತ,ಪಚ್ಚಡಿ ಮುಂತಾದವುಗಳಿಗೆ ಬೇಕಾದಾಗ ಉಪಯೋಗಿಸಬಹುದು.
ಇದು ರಾಗಿರೊಟ್ಟಿಗೆ ತುಂಬಾ ಚೆನ್ನಾಗಿರುತ್ತದೆ.

Bread Butter Pudding / ಬ್ರೆಡ್ ಬಟರ್ ಪುಡ್ಡಿಂಗ್:

0 comments

ಬ್ರೆಡ್ ಬಟರ್ ಪುಡ್ಡಿಂಗ್:

ಬೇಕಾಗುವ ಸಾಮಗ್ರಿಗಳು:1 ಪೌಂಡ್ ಬ್ರೆಡ್ ಅಥವ 12 ಪೀಸಸ್, ಅಂಚು ಕತ್ತರಿಸಿಟ್ಟುಕೊಳ್ಳಿ.
1 ಲೀಟರ್ ಹಾಲು
7-8 ಮೊಟ್ಟೆ - ಒಡೆದು, ಬಟ್ಟಲಲ್ಲಿ ಹಾಕಿ ಚೆನ್ನಾಗಿ ಗೊಟಾಯಿಸಿಡಿ (ಬ್ಲೆಂಡ್ ಮಾಡಿ)
1/4 ಕೆಜಿ ಸಕ್ಕರೆ
50 ಗ್ರಾಂ ಬೆಣ್ಣೆ
1/2 ಚಮಚ ಜಾಯಿಕಾಯಿ ರಸ (ತೇದಿದ್ದು)
ಸ್ವಲ್ಪ ಗೋಡಂಬಿ - ದ್ರಾಕ್ಷಿ
ಬಾದಾಮಿ ಬೇಕಾದರೆ
1ಚಮಚ ತುಪ್ಪ ( ಇದರಲ್ಲಿ ಗೋಡಂಬಿ, ದ್ರಾಕ್ಷಿ ಹುರಿದು ಇಟ್ಟುಕೊಳ್ಳಿ)

ತಯಾರಿಸುವ ವಿಧಾನ:

ಹಾಲು ಚೆನ್ನಾಗಿ ಕಾಯಿಸಿ, ಅದಕ್ಕೆ ಸಕ್ಕರೆ, ಬೀಟ್ ಮಾಡಿದ ಮೊಟ್ಟೆ ಹಾಕಿ, ಕೈ ಬಿಡದೇ ತಳ ಹತ್ತದಂತೆ ಚೆನ್ನಾಗಿ ತಿರುವುತ್ತಿರಿ, ಮದ್ಯೆ ಜಾಯಿಕಾಯಿ ರಸ ಹಾಕಿ, ತಿರುವಿ. ಹಾಲಿನ ಮಿಶ್ರಣ ಅರ್ಧ ಭಾಗದಷ್ಟು ಆದಾಗ ಅದನ್ನು ಕೆಳಗಿಳಿಸಿ. ಕಾವಲಿ ಅಥವ ಒಂದು ಅಗಲವಾದ ಬಟ್ಟಲಿಗೆ ಬೆಣ್ಣೆಯನ್ನು ಸವರಿ, ಅದರಲ್ಲಿ ಬ್ರೆಡ್ ತುಂಡುಗಳನ್ನು ಜೋಡಿಸಿಟ್ಟು, ಅದರ ಮೇಲೆ ಈ ಹಾಲಿನ ಮಿಶ್ರಣವನ್ನು ಸುರಿದು ಸಮನಾಗಿ ಹರಡಿ, ತುಪ್ಪದಲ್ಲಿ ಕರಿದ ದ್ರಾಕ್ಷಿ, ಗೋಡಂಬಿಯಿಂದ ಅಲಂಕರಿಸಿ, ಈ ಬಟ್ಟಲನ್ನು ಕುಕ್ಕರ್ ಅಥವ ದೊಡ್ಡ ಪಾತ್ರೆಗೆ ನೀರು ಹಾಕಿ, ಅದರಲ್ಲಿ ಇಟ್ಟು, ಮುಚ್ಚುಳ ಮುಚ್ಚಿ ಡಬ್ಬಲ್ ಬಾಯ್ಲರ್ ರೀತಿ ಆವಿಯಲ್ಲಿ, ಮ೦ದ ಉರಿಯಲ್ಲಿ 45 ನಿಮಿಷ ಬೇಯಿಸಿ. ನಂತರ ತಣ್ಣಗಾದ ಮೇಲೆ ತಿನ್ನಲು ರೆಡಿಯಾಗಿರಿ. ಇದು ತುಂಬಾ ರುಚಿಯಾಗಿರುತ್ತದೆ. ಮಕ್ಕಳಿಗೆ ತುಂಬಾ ಇಷ್ಟ ವಾಗುತ್ತದೆ ಮತ್ತು ಪೌಷ್ಠಿಕವಾಗಿಯೂ ಇರುತ್ತದೆ.
* ಮನೆಯಲ್ಲಿ ಒವನ್ ಇದ್ದರೆ, ಹಾಲಿನ ಮಿಶ್ರಣವನ್ನು ಜಿಡ್ಡು ಸವರಿದ ಬೇಕಿಂಗ್ ಡಿಶ್ ಗೆ ಹಾಕಿ 20 ರಿಂದ 25 ನಿಮಿಷ ಬೇಕ್ ಮಾಡಿ. ಅಥವಾ ತೆಳುವಾದ ಕಂದು ಬಣ್ಣ ( ಗೋಲ್ಡನ್ ಬ್ರೌನ್ ) ಬಂದ ನಂತರ ತೆಗೆಯಿರಿ.

Moolangi Salad / Radish salad

0 comments

ಮೂಲಂಗಿ ಸಲಾಡ್:

ಕ್ಯಾರೆಟ್ ತುರಿ
ಮೂಲಂಗಿ ತುರಿ
ಹಸಿಮೆಣಸಿನ ಕಾಯಿ ಪೇಸ್ಟ್ ಅಥವ ಸಣ್ಣಗೆ ಹೆಚ್ಚಿದ್ದು
ಕಾಯಿತುರಿ ಬೇಕಾದರೆ
ಹುರಿದ ಜೀರಿಗೆ ಪುಡಿ ಸ್ವಲ್ಪ
ಕೊತ್ತುಂಬರಿ ಸೊಪ್ಪು ಹೆಚ್ಚಿದ್ದು ಸ್ವಲ್ಪ
ಉಪ್ಪು ರುಚಿಗೆ

ಉಪ್ಪು ಮಾತ್ರ ಬಿಟ್ಟು ಎಲ್ಲಾ ಸಾಮಗ್ರಿಗಳನ್ನು ಹಾಕಿ ಚೆನ್ನಾಗಿ ಬೆರೆಸಿ, ಉಪ್ಪನ್ನು ನೀಡುವಾಗ ಬೆರೆಸಿ ಕೊಡಿ. ಇದು ಅತೀ ಸುಲಭ ಕೋಸುಂಬರಿ ಮತ್ತು ರುಚಿ ಕೂಡ ಹಾಗೂ ಹಸಿಯಾಗಿ ಮೂಲಂಗಿ ಸೇವಿಸುವುದರಿಂದ ಆರೋಗ್ಯಕ್ಕೂ ಉತ್ತಮ. ಹುರಿದ ಜೀರಿಗೆಯ ಪರಿಮಳದಿಂದ ಇನ್ನೂ ಚೆನ್ನಾಗಿ ಇರುತ್ತದೆ.

Bread Toast

0 comments

Popular Posts

 
  • Adige Recipes-ಅಡಿಗೆ ಸವಿರುಚಿ © 2012 | Designed by Designer Link, in collaboration with Web Hosting , Blogger Templates and WP Themes